Spinning Rod & Reel
Baitcasting Rod & Reel
Difference
ഇപ്പോൾ കുറച്ചുനാളുകളായി ഏറ്റവും കൂടുതൽ ആളുകൾ ചോദിക്കുന്ന കാര്യം ആണ് സ്പിന്നിങ് റോഡ് & റീലും ബൈറ്റ്കാസ്റ്റിംഗ് റോഡ് & റീലും തമ്മിൽ എന്താ വെത്യാസം അത് എങ്ങനെ ഇരിക്കും എന്ന്.
amazon.in ഫിഷിങ് സാധനങ്ങളുടെ തിരഞ്ഞു ഇനി സമയം കളയേണ്ട നിങ്ങൾക്ക് വേണ്ട സാധങ്ങൾ എല്ലാ ഇനി ഒറ്റനോട്ടത്തിൽ കാണാം Click here ...
http://allptc.review/FISHING/
ആദ്യം ബൈറ്റ്കാസ്റ്റിംഗ് റോഡ് & റീലും തന്നെ കാണിക്കാം അതാണല്ലോ ആരും കാണാത്ത സാധനം താഴെ കൊടുത്തിരിക്കുന്ന ഫോട്ടോസ് നോക്കൂ .
ഭാരം കുറഞ്ഞ ലുറുകൾ ഈ റീലിൽ ഉപയോഗിച്ച് ഒരുപാടു ദൂരം എറിയാൻ സാധിക്കും ഒപ്പം പെട്ടന്ന് തന്നെ വീണ്ടും വീശി എറിയാനും സാധിക്കും എന്നതാണ് ഇതിന്റെ ഗുണം. ഈ റീലിനു വില കൂടുതൽ ആണ് 4,000 രൂപക്ക് മുകളിലോട്ടാണ് വില.
എങ്ങനെ ഉണ്ട് സാധനം കാണാൻ കൊള്ളാം കിടു ഐറ്റം അല്ലെ ...??
എന്നും പറഞ്ഞു മേടിച്ചു ഉപയോഗിച്ചാൽ ദേ ഇതു പോലെ ആയിരിക്കും അവസ്ഥ
↓
ലൈൻ എല്ലാം റീലിൽ കയറി ചുറ്റി ലൈൻ കെട്ടുവീണു നശിക്കും.
അതും അല്ലെങ്കിൽ മീൻ അടിച്ചാൽ റീൽ സീറ്റ് ഒടിഞ്ഞു പോകും
↓
നല്ലപോലെ ഇതിനെക്കുറിച്ചു പഠിച്ച ശേഷം മാത്രം വാങ്ങുക. പഠിച്ചു കഴിഞ്ഞാൽ ഉപയോഗിക്കാൻ വളരെ എളുപ്പം ആണ് നല്ല ദുരം എറിയാൻ സാധിക്കും . സ്പിന്നിങ് റീൽ എറിയുന്നത് ഒരു ദിവസം അല്ലേൽ 2 ,3 പ്രാവശ്യം എറിയുമ്പോളെ പഠിക്കും. എന്നാൽ ബൈറ്റ്കാസ്റ്റിംഗ് റീൽ നല്ലപോലെ ഉപയോഗിക്കാൻ പഠിക്കാൻ കുറെ ദിവസങ്ങൾ എടുക്കും.
ബൈറ്റ്കാസ്റ്റിംഗ് റോഡിൽ സ്പിന്നിങ് റീൽ വെക്കാൻ സാധിക്കില്ല. ബൈറ്റ്കാസ്റ്റിംഗ് റോഡിന്റെ റീൽ വെക്കുന്ന ഭാഗത്ത് കൊമ്പ് പോലെ മുഴച്ചിരിക്കും അതുകൊണ്ടു സ്പിന്നിങ് റോഡ് & ബൈറ്റ്കാസ്റ്റിംഗ് റോഡ് ഒറ്റ നോട്ടത്തിൽ തന്നെ മനസിലാകും.
↓
സ്പിന്നിങ് റീൽ പോലെ ബൈറ്റ്കാസ്റ്റിംഗ് റീലിന്റെ ഹാൻഡിൽ വലത്തോട്ടും ഇടത്തോട്ടും മാറ്റി ഇടാൻ സാധിക്കില്ല. അതുകൊണ്ടു വാങ്ങുമ്പോൾ കൈ വാക്ക് ഏതാ എന്ന് നോക്കി അതെ സൈഡിയിൽ ഹാൻഡിൽ ഉള്ള റീൽ തന്നെ വാങ്ങണം.
↓
താഴത്തെ ഫോട്ടോ ശ്രദ്ധിക്കൂ .
ബൈറ്റ്കാസ്റ്റിംഗ് റോഡിൽ ഗൈഡുകൾ മുകളിലോട്ടാണ് ഇരിക്കുന്നത് റീലും മുകളിൽ ആണ്.
↓
താഴത്തെ ചിത്രം നോക്കൂ
1:-ബോട്ടിന്റെ സ്റ്റിയറിങ് പോലെ കൊടുത്തേക്കുന്നതാണ് ഇതിന്റെ ഡ്രാഗ് സെറ്റ് ചെയ്യുന്ന ഭാഗം.
2:-മാഗ്‌നറ്റിക് ബ്രേക്ക് സിസിറ്റം: - ഇതിന്റെ പ്രധാന ധർമ്മം നമ്മൾ എറിയുന്ന ലൂർ വെള്ളത്തിൽ മുട്ടിയാൽ ഉടനെ റീൽ സ്പൂൾ നമ്മൾ വിരൽ വെച്ച് ബ്രേക്ക് ചെയ്യാൻ താമസിച്ചാലും തന്നെ സ്പൂൾ ബ്രേക്ക് ആകുക എന്നതാണ് അതിലൂടെ ലൈൻ കുരുങ്ങുന്നത് ഒഴിവാകും .
ആദ്യമായി ഉപയോഗിക്കുന്ന ആൾ 4 ,5 സെറ്റ് ചെയ്യണം എന്നിട്ടേ എറിയാവു. അപ്പോൾ ഒരുപാട് ദൂരം പോകില്ല ലൈൻ റീലിൽ കയറി ചുറ്റാൻ ഉള്ള ചാൻസ് കുറയും. എറിഞ്ഞു നല്ലപോലെ പഠിച്ച ശേഷം 6 ,7 ,8 ,9 എന്നിങ്ങനെ ഓരോ നമ്പർ ആയി കൂട്ടുക ഓരോ നമ്പർ കൂട്ടുമ്പോളും ദൂരം കൂടും അതിനോടൊപ്പം ലൈൻ റീലിൽ കുരുങ്ങാൻ ഉള്ള ചാൻസ് കൂടും. എറിഞ്ഞു എറിഞ്ഞു പരിജയം കൂടുന്ന അനുസരിച്ചു സാവകാശം ദൂരം എറിയാൻ ശ്രമിക്കുക. ആദ്യമേ ദൂരം എറിയാം വലിയ മീൻ പിടിക്കാൻ എന്ന് കരുതിയ ലൈൻ മൊത്തം കെട്ടുവീണു പോകും ഒപ്പം മീൻ അടിച്ചിട്ടുണ്ടേൽ റീൽ സീറ്റ് ഒടിഞ്ഞും പോകും .
3:-മാഗ്‌നറ്റിക് ബ്രേക്ക് സിസ്റ്റത്തിന്റെ അകവശം ആണ് കാണിച്ചിരിക്കുന്നത്.
4:-ഈ കാണുന്ന റിങ്ങിൽ ആണ് ലൂർ ഭാരം സെറ്റ് ചെയ്യുന്നത്. നമ്മൾ ഉപയോഗിക്കുന്ന ലൂറിന്റെ ഭാരം കൃത്യമായിട്ടു സെറ്റ് ചെയിത ശേഷം 2 കാണിച്ചപോലെ മാഗ്‌നറ്റിക് ബ്രേക്ക് സെറ്റ് ചെയിതു വേണം എറിയാൻ. ഇതു രണ്ടും കറക്റ്റ് അല്ലേൽ ലൈൻ മൊത്തം ചുറ്റി കെട്ടു വീഴും.
താഴത്തെ ചിത്രത്തിൽ കൊടുത്തിരിക്കുന്നതാണ് സ്പൂൾ റിലീസ് ബട്ടൺ. ലൂർ കാസറ്റ് ചെയ്യുമ്പോൾ ആ ബട്ടൺ അമർത്തി പിടിച്ചു എറിയണം ലൂർ വെള്ളത്തിൽ വീഴുന്ന നിമിഷം തന്നെ വിരൽ ഉപയോഗിച്ച് സ്പൂൾ റിങ് അമർത്തി നിർത്തണം.(ലൈൻ ചുറ്റിയേക്കുന്ന ഭാഗം ആണ് സ്പൂൾ റിങ് ) ( വിരൽ ഉപയോഗിച്ച് സ്പൂൾ അമർത്താൻ താമസിച്ചാലും ലൈൻ കുരുങ്ങാതിരിക്കാൻ ആണ് മാഗ്‌നറ്റിക് ബ്രേക്ക് സിസ്റ്റം സെറ്റ് ചെയ്യാൻ ആദ്യമേ ഞാൻ പറഞ്ഞിരുന്നത് ) ലൂർ വെള്ളത്തിൽ മുട്ടിയ നിമിഷം സ്പൂൾ റിങ് വിരൽ ഉപയോഗിച്ച് സ്റ്റോപ്പ് ചെയ്തില്ലേൽ സ്പൂൾ റിങ് വീണ്ടും കറങ്ങി ലൈൻ മൊത്തം ചുറ്റും .
സാധാരണ സ്പിന്നിങ് റീലിൽ നമ്മൾ റീലിന്റെ മുകളിലത്തെ റൗണ്ടിൽ ഉള്ള കമ്പി (ലോക്ക് ) പൊക്കിവെച്ചിട്ടു ലൈൻ വിരൽ ഉപയോഗിച്ച് പിടിച്ച ശേഷം വേണം എറിയാൻ അപ്പോൾ നമുക്ക് സമയ നഷ്ടം ഉണ്ട്കുന്നു . ആ സമയത്ത് ബൈറ്റ്കാസ്റ്റിംഗ് റീലിൽ റിലീസ് ബട്ടൺ അമർത്തി എറിഞ്ഞാൽ മതി. ബട്ടണിൽ നിന്നും വിരൽ മാറ്റിയാൽ ഉടനെ സെറ്റ് ചെയിത ഡ്രാഗിലോട്ടു ആകുകയും ചെയ്യും. വളരെ എളുപ്പമാണ് കൈകാര്യം ചെയ്യാൻ പഠിച്ചു കഴിഞ്ഞ ഒരാൾക്ക്.
↓
മീൻ അടിച്ചു കഴിഞ്ഞാൽ താഴത്തെ രണ്ടു ചിത്രങ്ങളിലും കൊടുത്തേക്കുന്ന പോലെ വിരൽ വെച്ച് റീൽ ബോഡിയിൽ അമർത്തി പിടിച്ചേ ലൈൻ ചുറ്റി മീനെ കരക്ക് വലിച്ചു കയറ്റാവൂ അല്ലെങ്കിൽ റീൽ സീറ്റിൽ നിന്നും ഒടിഞ്ഞു പോകും. തുടക്കക്കാർ പലരുടെയും റീലുകൾ ഇങ്ങനെ ഒടിഞ്ഞു പോയിട്ടുണ്ട്. ഒടിഞ്ഞ റീൽ പിന്നീട് ഉപയോഗിക്കാൻ സാധിക്കില്ല.
മീൻ പിടിക്കുമ്പോൾ ചിത്രത്തിൽ കൊടുത്തേക്കുന്ന പോലെ വിരൽ വെച്ച് റീൽ ബോഡിയിൽ അമർത്തി പിടിക്കണം
കൂടുതൽ അറിയാൻ യൂട്യൂബിൽ തന്നെ ഇഷ്ടം പോലെ വീഡിയോ ഉണ്ട് അതൊക്കെ നോക്കി പഠിക്കുക. ഞാൻ ഈ റീൽ ഉപയോഗിക്കുന്നില്ല. അതുകൊണ്ട് ഇതിന്റെ വീഡിയോ ചെയ്തിട്ടില്ല.
==========================
=============
======
സ്പിന്നിങ് റോഡ് & റീൽ
ഇതിനെ കുറിച്ച് ഒരുപാടു പറയുന്നില്ല എല്ലാവർക്കും അറിയാമല്ലോ എങ്കിലും ചുമ്മാ 1,2 ഫോട്ടോസ് കൊടുക്കുന്നു.
ഈ റോഡിൽ ഏതു ടൈപ്പ് സ്പിന്നിങ് റീലുകളും മാറി മാറി ഉപയോഗിക്കാം , കൊച്ചുകുട്ടികൾ അടക്കം ആർക്കും പെട്ടന്ന് തന്നെ ഉപയോഗിക്കാൻ പഠിക്കാൻ സാധിക്കും . റീൽ ഹാൻഡിൽ ഊരി വലത്തുവശത്തും ഇടത്തുവശത്തും ഇടാൻ സാധിക്കും . വില കുറവും ആണ് . തുടക്കക്കാർ സ്പിന്നിങ് റോഡ് റീലും ഉപയോഗിക്കുന്നതാകും നല്ലത്.
തുടക്കക്കാർ കാണേണ്ട വിഡിയോകൾ
എന്റെ വാട്സാപ്പ് നമ്പർ സംശയങ്ങൾ ചോദിക്കാം 00965 69908949
കൂടുതൽ അറിവുകൾ ആഗ്രഹിക്കുന്നവർ Subscribe ചെയ്യുക ചാനൽ. അല്ലാത്തവർ ആവശ്യം ഉള്ള വിഡിയോകൾ കണ്ട് സ്വന്തം കാര്യം നോക്കി പോകുവാ
എന്റെ വാട്സാപ്പ് നമ്പർ സംശയങ്ങൾ ചോദിക്കാം
എല്ലാവർക്കും നല്ല ഒരു ദിവസം ആശംസിക്കുന്നു.
വിനീഷ് രാജൻ പ്രക്കാനം.
വിനീഷ് രാജൻ പ്രക്കാനം.
=======================================
മീൻ പിടുത്തകരുടെ ഫോട്ടോസും കാര്യങ്ങളും കാണാനും അറിയാൻ ഈ പേജ് ലൈക് ചെയ്യുക.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ